بما انى الان فى مرحلة تامل واشعر ان اخبار الكى بوب كلها متشابهة لايوجد جديد الا ما ندر يعنى باختصار حالة ملل وهى نوبات تنتابنى كثيرا اعتقد ان هناك غيرى يشاركونى
اليوم هاتكلم عن الدراما اللى مهما يمر الوقت اشعر بانى اريد مشاهدتها مجددا ومجددا
المشكلة انى لااستقر على نوعية او وتيرة واحدة من الدراما
بمعنى لو كان فى البداية كنت بشاهد اى شئ فى الدراما
لكن حاليا اصبحت اعمل اختبار قبل ما اشاهد الدراما واعرف كل التفاصيل عنها
طبعا الاوبا المفضل والممثلة اللى بحبها بتفرق فى اختيار الدراما لكن احيانا واوقات كتيرة بحب اجرب انماط وممثلين متفرجتش عليهم من باب التغيير وكمان القصة وكاست العمل والانتاج والفترة اللى بيتم فيها العرض بتفرق جدا معايا -كائنة مزاجية تهوى التفاصيل -
فى البداية انا بتابع دراما كورية من حوالى 10 سنين وديه فترة مش كبيرة فى نظرى وتابعت معظم انواع الدراما من اول المدبلجة وحتى من غير ترجمة فى احيان كتيرة
طبعا فيه كتير هيقول ده فراغ لابجد بس انا حسيت بدون مبالغة ان اتغيرت جدا وبقيت بهتم بتفاصيل وثقافات مختلفة لانى من خلالها بقيت اهتم بكوريا وجنوب شرق اسيا واعرف معلومات وثقافات كانت غريبة جدا فى البداية وعرفت ان فيه بشر فى قارة تانية بتشاركوا معايا نفس اهتماماتى
انا من خلال كوريا والدراما الكورية لانى فى الاول تابعت دراما وبعدين كى بوب اما اختى فكانت الاتنين ماشاء الله بتعشق الكورى فخلتنى ادمنه لانى فى البداية مكنتش احب اتفرج ع كورى كنت بتابع دراما اميركية وفرنسية واوروبية وبالطبع كنت مدمنة دراما اسبانية لان كل الدول اللاتينية وكمان المكسيك بتكلموا اسبانى فاى حد كان اسبانى مدبلج مترجم اتفرج كان عالم وايام تانية
الكورى دلوقتى جواز سفر بالنسبة ليا عرفت من خلاله اليابان وتايلاند وفيتنام وماليزيا والفلبين وتايوان والصين
الدراما ليست مجرد كلام وتضييع وقت لكنه بالنسبة لبشر كثيرين عبارة عالم ملء بالمفاجات والاحاسيس
بدون مبالغة الدراما والثقافة والفن بشكل عام تثرى حياة الانسان
يتسائل البعض ما بعد او ما اريد ان اقوله بعد تلك المقدمة الطويلة المملة
لا ادرى احببت فعلا ان اتواصل ع الرغم من انه مجرد كلام للبعض
الم تسمعوا عن جلسات العلاج بالكلام والواصل والتشارك
وقررت ان اخصص جزء فى المدونة كيوميات معجبة مجهولة بالفن الكورى كى بوب ودراما والاسيوى بشكل عام
وسوف اتحدث عن كل مايهمنى ويهمكم وعن كوريا واحلامنا
اتمنى ان تعجبكم المقدمة
فايتنغ
ليست هناك تعليقات:
إرسال تعليق